Jan 26
由安基苑去堅道路程距離大約不足20公里，
坐的士大約$140再加紅隧來回費用$20。
我本身職業係渣貨van，
我可以好肯定話你知，
call貨van一定係平過的士。
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
最近我的貨van在車頭冷卻時開車便會排出大量白煙和車頭震需要比油一段時間不比油會死火請問有什麼問題應怎做唔該各位兄弟
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我之前架hiace同你情況一樣，凍車或熄左車一陣之後著車會排出大量白煙，有時行緊車時亦會大白煙，但我係因為斷cam帶掃哇佬打裂盤過，之後比D無良車房所謂整返好就出現大白煙既問題，不過我就無車頭震，但好肯定，D白煙係偈油上盤燃燒所產生。你最大機會係裂盤頭或者燒爭口都有機會出現上述問題，你留意下偈油去得快唔快，但點都好，一有白煙就一定好大劑，一定要打散黎檢查同維修，我只會建議你盡快去整，千其唔好拖，祝你好運。
參考資料:
第一客貨車電召中心 www.Van100.com 熱線 31711111
Jan 26
1.邊度買貨VAN最好?(hiace)
2,供新車還是供old車好?使唔使息?
3,好多人話上車會供好,係唔係?有咩分別?
4.買車有咩要主意?
5.公屋私家車同貨van既停車場費係唔係一樣?
6.如果本人覺得唔介意而可以把貨van當私家車用或又可以工作,咁我又想出車,咁我係唔係可以出部貨van好過?
7.人地話養私家車貴d定係貨van貴d?
8.燕梳係點樣計架?咩叫燕梳?聽講新牌仔買車燕梳好貴?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
1) 要睇你買新車定易手車喇，新車唔洗講，一定係皇冠，易手車可以睇車書搵D私人放既或搵D專買賣貨VAN既易手車行，私人放果D一般比車行平倒1-2萬蚊，而搵D專買賣貨VAN既易手車行就一定要搵D信譽好既，但要注意，如果你打算買易手車，而你對車又唔熟識既，最好搵D有經驗既朋友一齊睇車。
2) 無話供新車定供舊車好，應該話你有咩要求，有咩用途，你預算用幾多錢，比得倒幾多錢，仲有好多好多實際需要因數，去取決你買新車定易手車，比得起咪買新車囉！用短期既，咪買易手車囉！…………..好多好多要考慮，最好同屋企人或一D有經驗既朋友商量一下。而供車會當然要比利息啦！
3) 無話上車會供好定唔好架喎！正如上題所講，要睇你比得倒幾多錢出黎，簡單講，你比得起既，當然係一炮過買斷佢唔洗蝕息，你無咁多錢的話，當然一定要供車會啦！
4) 要睇你買新車定易手車。如果你買新車而又要上車會，要注意既當然係上車會做幾多利息，一般做緊3厘半至4厘75，另外要睇睇汽車經紀送D咩野比你。如果買易手車，我個人認為，首要係機器，車頭要精神有力無煙，波箱入波時順唔順有無漏油，呔尺、油喉、油渣泵有無漏油，車身主要地方如柱位車底有無霉爛，車身number係咪做落去，柱位係咪燒焊過………好多好多。
5) 公屋既停車場私家車同貨van收費係一樣。
6) 咁你將架車當私家車用定愛黎搵食當然隨你，最緊要係，架車本身同你實質需要係咪配合，若果你本身係有一份固定工作，買車純粹愛黎代步的話，有大把私家車比你揀。但若果你係為搵食，你當然係選擇貨Van甚至貨車。
7) 無話養私家車定貨van邊樣貴D架喎，要睇你係咩車種、供幾錢個月、點用…….。
8) 燕梳即係保險，法例規定所有係道路上行駛既車輛都一定要有購買汽車保險，如果無買到而又發生意外，法律責任係非常嚴重。燕梳既計算會以購買者本身既年齡、牌齡、職業、過往駕駛記錄，受保果架車既車種、車價、用途、車齡、坐位數、汽缸容積…..等黎作準則。而燕梳有一樣叫無意外索償折扣NCB，NCB類似比折頭你買燕梳，只要你份燕梳無比人索償過，咁你既NCB就每年遞增10%，但你要知，私家車同貨車既燕梳係分開架！私家車最多可以有60%NCB，而貨車最多只可以有30%NCB。
由於仲有好多好多細節，文筆上未能盡錄，你最好多D請教有經驗既親朋戚友。
參考資料:
http://www.van100.com
Jan 26
如果你知道邊度有(鬼仔)電油入，你可以考慮一o下電油van，
因為佢一來唔會比人捉大煙、二來車價平一大折！
至於油楂van，車價保值能力超高(只限於哈A屎，萬士乜係唔值$o架)
由於油楂車天生扭力大o既關係，拖重貨上斜都唔覺有乜問題，
相反電油車拖重貨上斜好似死o下死o下咁！
電油van：有馬力、有速度
油楂van：扭力大、車價保值
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
本人20歲,年半牌,想出部98年hiace 跑台,
想問如出牌保,如何上會+上台?
首期要幾多錢,每月連牌保,台費幾錢?
如0首期又如何?
可去那裹查詢?
謝謝~~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
首先，你既年齡牌齡係出燕梳果方面黎計係未夠料，一盤燕梳角度黎計，要廿四五歲兩年牌為之夠歲夠牌，你出燕梳好貴，呢方面你可以打電話去D保險代理隔下價，我幫襯過幾間，其中啟榮保險同YY車行都幾平。
而上會方面，好多銀行同財務公司都有做。而如果你買車係同車行買，佢地都有D有辦車會分期既財務公司介紹比你同幫你辦手續，但車行一定會過河濕腳，變相你支出亦多左，你可以自己打電話去呢D財務公司查詢左先，你可以問下英利財務或者永亨銀行。辦理上會所需既資料同文件，一般都係入息証明、身分証明、住址証明，有時仲需要提供一個擔保人，咁就要埋擔保人既身分証明、住址証明呀咁。
供車方面，首期一般車價一成或先付三期供款作首期，間間財務唔同，你都係直接電話查詢好D。
上台方面，細台台費由$300起，但細台一定少order，唔夠野做，而大台係就係有order，但價濺兼多車，而且台費貴，某台為例，入線$3000-$4000，每月台費$1000-$1200，又有暗飛(好order比自己友)，好多衰野架。另外有個台，免入線費，但台費貴之餘新入台既仲要一次過先比半年台費九千六，呢D街車台你可以直接打去問。
參考資料:
第一客貨車電召中心 www.Van100.com 熱線 31711111
Jan 26
我pass左兩個星期,考左四次,今年22,諗住存錢幾個月後一次過想買部二手hiace做私家車(本人唔介意),等到自己渣熟左路熟左,睇下出邊有路數先至漸漸轉行,咁樣好唔好?咁我想問:
1.我既燕梳要比幾錢?燕梳呢樣野係唔係比一次就以後唔使比架?
2.牌費4個月係咩意思?一年又係咩意思?有咩分別?照我既情況我用4個月好定係1年好呢?
3.出黎做電召要幾多cc就夠?年份又關唔關事?用油渣好定係電油好?
4.第三保一定要買,咁我需唔需要買全保?
5.如果架車放在月租$600/月既停車埸拍住唔用,咁我既養車費係唔係個個月只係比$700養車了(除左牌費及驗車費)?係唔係咁計架?咁養車都唔係好得人驚0者-.-,d人就係成日咁樣嚇人,搞到人唔敢出車,呵
請前輩比多d意見我!!感激!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
首先，你當然可以買架hiace當私家車用，其實有好多人都係咁，但若果你純粹只係想有架車可以得閒渣下既，除左hiace，其實仲有好多更好既選擇。另外關於你想轉行呢個問題，我覺得你要問清楚自己，自己係咪真係鍾意做運輸呢行？係咪真係適合做呢行？要記住，鍾意渣車並不代表鍾意、適合同需要做運輸，要三思。
1) 你買架咩款咩年份既車，係會直接影響倒你份燕梳要比幾錢甚至出唔出倒份燕梳。以你既情況，唔夠年齡，唔夠牌齡，掃把佬呀！荀呀！呢類跑車一定出唔倒燕梳，當你係買hiace，好保守估計，出份三保起碼七八千，全保最少都萬二三。而燕梳係要每年買，燕梳有一樣叫無意外索償折扣NCB，NCB類似比折頭你買燕梳，只要你份燕梳無比人索償過，咁你既NCB就每年遞增10%，即係話，你份燕梳會一年平過一年。
2) 牌費即係你每年續行車証既費用，而每年續行車証時，你可以選擇一次過比一年錢去續牌一年，或每四個月，又稱一季，咁一年分三次黎續牌，但分開比既合計費用會比一次過比既費用貴DD，無話邊樣好，睇你實際需要。
3) 出黎做電召無話要幾多cc就夠，即使你係D細cc既貨van仔，大多台都唔介意收你，反正係你比錢D台，但咁細架車載倒幾多貨先得架！載唔倒多貨，柯打自然少。其次，車齡唔算太大問題，最緊要唔好岩岩慚慚。而用油渣定電油，唔洗講，一定係油渣。
4) 簡單D黎講，車既燕梳只會選擇全保或第三保，全保係保人地之餘保埋自己，而第三保就只係保人地，舉例，如發生意外，而法庭又判你輸，對方向你索償，咁就會係你份三保賠比佢，如你買既係全保，咁除左賠比佢之餘，亦可以賠埋比你，或者你架車唔見左都可以賠，但你需要支付墊底費，通常新牌墊底會好高。若果架車當時車價唔高，一般都只會買三保。
5) 如果你架車放左係個$600/月既月租停車埸泊住唔用，唔計燕梳、牌費及驗車費，可以話每個月只係用$600養車…….但，架車就咁停係度唔郁養黎唔知有乜意思，而且架車唔郁之餘，你間唔中都要著車run下，最簡單舊電池擺得耐唔著車差翻，舊電池又會打柴，即使唔行車，偈油都會有夠期既時候，何況你唔行車，偈油就更易變質……仲有好多野係即使你唔郁車都要洗你錢。
總之一句講曬，養車並唔係你想像中咁易，我咁耐以黎有過三架貨Van同一架貨車，新車時就供到氣咳，供完之後就好D，但無耐，架車開始舊，毛病同零件老化，維修同換零件既費用又多左，家下我渣緊新車，每月唔計油，我最少都要預$7500出黎養佢，我都做過新牌仔，我明白你既想法，但你諗清楚D先啦！
參考資料:
http://www.van100.com
Jan 26
我下個月結婚,要租花車,想搵間又平但又唔失禮的車,請問那裡可以找到
**我住香港區的**
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
基本消費，連司機一般四小時起，$200-250/小時，要視乎車款而定，
Benz / 豪華7人車 / 24-28座
*建議連司機，可以煩少好多野，起碼唔洗拎車還車，最重要係唔洗放低幾千蚊按金同唔怕架車有咩hi花碰損要自己負責，而且計條數其實自駕同連司機差唔太多。
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
政府經常叫人不要跟車太貼，後車的車主要和前車保持適當距離，減少意外。在大部份情況下，後車撞前車，後車的車主都要負全責的。除非証明前車車主有疏忽而後車車主又已經很守交通規則，後車撞前車有可能不用負全責，例如：
１）前車忽然倒後駛。
２）前車不依交通規則在先，例如胡亂轉線。
３）前車車主不小心駕駛，例如講手提電話。
４）後車車主被其後車撞到飛起，撞上前車。
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
1.請問,上台做入邊間會比較好?
2.我無經驗,亦未有車/牌,但我真的很想入這行,因為年紀開始大,搵過其他工都好少會請30+既人,所以打算入這行做.
3.上台做的話扣除成本後大約每月會搵到多少,會唔會少過我現時人工5.5K呢?
4.入這行要經什麼途徑呢?(我真的很想入這行,做個自僱人士,因為年紀開始大,想為自已未來打算下,希望有師兄回應)
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
新入行自己考慮以下一些要點:
1) 細/中型台係台費平，但少order，唔多野做，不過可以實習一下自己是否合適(www.van100.com)
2) 大台係就係有order，但價濺兼多車，而且台費貴，某台為例早幾個月入線仲係$3000-$4000，家下要成$6000，每月台費$1000-$1200，而且有D台又有暗飛(好order比自己友)，好多衰野架。一般當你齋做台Order，一個月未除皮費做倒一萬已叫好本事，基本入台係愛黎比D有自己野做，但又唔夠做既人”zip"時間。若果你係無自己野新做既，求其打份幾千蚊既工好過。
2) 上台好簡單，如果你想上真係搵倒吃既台，唔洗諗，因呢D台唔會濫收車，而且要介紹。
3) 每個月要多少$$養架車無特定，淨係車場，偏D地區爛地場同旺區私人場都可相差二三千，揸得多去街，油、車場又一條數…………
唔計D可有可無既野，如改車、音響、裝飾……以一般計，如下
唔計供車，牌費每年$4254，燕梳三保0%NCB約$7500-30%NCB約$3500，年驗以架車無乜問題計約$2500，車場以$1500/月 計，油以每月$3000連去街計，損耗品(如車軚、水撥、電池…)、抄牌、保養(如換偈油風隔油隔….)，每月最少最少預$1000…….
$4254+$3500+$2500+$1500X12+$3000X12$1000X12 = $76254/年
入行前可以分析一下先
參考資料:
第一客貨車電召中心 www.Van100.com 熱線 31711111
Jan 26
我的車係 03年 時買入的(hiace).
而家行左 2萬3千公里
但好似重未換過偈油 , 波箱油, 油隔等等..
會唔會好傷車的呢???
同埋每年一次驗車時
佢會唔會幫我換埋油ga 或 會唔會幫我做其他野ga.
定係只係驗車禁簡單??
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
成三年未換過油同隔當然傷車啦，直頭耐得有D過份添呀！
一般黎講，要keep倒偈油有應有既潤滑程度、壓力同校能，偈油同偈油隔最好每行五仟至七仟公里就要換，要視乎你多唔多郁車，同時亦要換埋風格，波箱油同尾牙油一般每一萬至萬五公里換，同樣亦要視乎你多唔多郁車啦！如果你係入油站油的話，油渣格/電油格一年換一個得架喇！
照睇你三年先行得果二萬三，一個月行得果六七百，偈油、偈油隔同我建議四仟左右好換添，風格可以行夠數先換，而波箱油同尾牙油至少每年要換。
每年驗車時，你當然可以要求車房幫你換埋油呀！做呢樣整果樣咁啦！比錢咁解之麻！做得多比得多，相輔相成。
但要留意一點，每年驗車時，車房係幫你”驗車”定”整驗”，驗車，即係純粹應酬政府，整驗就係真真正正檢查清楚、維修先再驗，後者當然貴D。
參考資料:
第一客貨車電召中心 www.Van100.com 熱線 31711111
Jan 26
請問若然要二撰一,好嘅偈油度數重要,定係好嘅偈油潻加劑重要呢?
另外點樣可以自行換brake力油,和軑舵油呢?又會吾會有咩度數要留意呢?價錢係幾多和邊隻牌子好呢?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
當然係合適既偈油度數重要啦！
brake油同風油軑油係唔需要換，只需要keep住有適當既容量就得。
牌子方面，純粹我個人認為，風油軑油我會用返一般既自動波箱油，而brake油我亦會用返一般既brake油，反而我會着重返用D好D既brake皮，咁會實際D。
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
不小心和朋友的車碰撞，車身的油(綠色)留在對方(銀色)的車身上，用粗腊可以弄走它嗎？另外有一處大約2cm的刮痕，面油甩了？可以如何處理?價錢貴嗎？
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
車身既油留左係對方既車身上，可以試下用D粗臘捽下，一般都可以整走。
而另外有一處大約2cm既刮痕，若果面積唔大，只係有D甩油而又無凹，可以到一般既汽車用品店下配返枝岩色既補油筆，只係幾十蚊，試下自己補油，再用較幼既水沙紙省返平，再用D粗臘捽下。
但如果面積大的話，咁就要搵車房搞。若果你有相熟車房，你當然可以比佢搞掂。但若果你無相熟車房的話，你就要小心比人開天殺價。
一般噴油分噴油同焗油兩種，前者故名思意即係淨噴油，如果有凹的話，師傅會先執返個型，再噴油，待乾，再用水沙紙省返平滑，最後車臘。而焗油同噴油所做既野相同，分別在於噴油同待乾既過程係焗油房進行，出黎效果當然焗油靚D啦！
價錢方面，由於呢D係手功野，所以可以相差好遠，噴油最平由$600到$2000一件都有，一般公價$800-$1000一件，要執灰的話一般加多$200-$500，但你果度要執灰既地方只係好小，一般都唔會加你錢，而焗油一般由$2000起。
參考資料:
http://www.van100.com
Jan 26
前日開工唔小心整花左車身(後輪前面)劃花了 是否要全車再濆過色呢?
一般出面收幾多錢o家
唔該晒 ^^
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
咁要睇你劃花左既面積有幾大先？
如果我無理解錯，你所講個位置應該係尾沙板前方，個位置都算當眼，但若果面積唔大，例如只係一條花痕咁花左無甩油，可以先試下用D粗臘捽下。
若果面積唔大但有D甩油而又無凹，可以到一般既汽車用品店下配返枝岩色既補油筆，只係幾十蚊，試下自己補油，再用較幼既水沙紙省返平，再用D粗臘捽下。
但如果面積大的話，咁就要搵車房搞。若果你有相熟車房，你當然可以比佢搞掂。但若果你無相熟車房的話，你就要小心比人開天殺價。
一般噴油分噴油同焗油兩種，前者故名思意即係淨噴油，如果有凹的話，師傅會先執返個型，再噴油，待乾，再用水沙紙省返平滑，最後車臘。而焗油同噴油所做既野相同，分別在於噴油同待乾既過程係焗油房進行，出黎效果當然焗油靚D啦！
價錢方面，由於呢D係手功野，所以可以相差好遠，噴油最平由$600到$2000一件都有，一般公價$800-$1000一件，要執灰的話一般加多$200-$500，若果要執灰既地方只係好小的話，一般都唔會加錢，而焗油一般由$2000起。
個人建議，其實單件做，一般噴油師傅都可以做倒新舊色對返九成，睇落去都唔會好覺返噴過，況且，你花左既地方跟本唔大，件數亦唔多，無理由用埋呢D無謂錢去全車返噴，但若果你係完美主意者或者想順便轉色的話，全車返噴一般由$6000至$20000。
參考資料:
第一客貨車電召中心 www.Van100.com 熱線 31711111
Jan 26
如果我無會錯意，你應該係咪想搵匙套！？一個套，笠住條匙，中間有個窿窿，可以比條匙伸出黎咁呢！？我以前試過係旺角一間精品店見過，只係一D好普通既款式，亦唔多，亦無乜印像係邊間，始終比較冷門，若果你話想搵D防盜連匙，一按制條匙會係個防盜側跟彈出黎果D就易搵好多，係少部份汽車精品店會有。
參考資料:
第一客貨車電召中心 www.Van100.com 熱線 31711111
Jan 26
唉…我部新van落地都唔夠兩個月, 前日在停車場又發生意外!
當我右轉時, 右後門撞到條柱, 結果柱上面d黃黑斑馬線油摑哂落車門, 好彩我用火酒已抺掉, 但車門花得好緊要, 有好多條又好長的花痕, 好似比界刀界完咁, 見到白色, 本身部車係銀灰色, 咁即係唔係叫做”luck"油? 仲有一個約五毫字大的”笠”痕! 點算好? 我部車新嫁, 好心痛! 有人叫我去旺角買補油筆, 係唔係得嫁? 用粗蠟打番, d花痕會唔會消失?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
照你所講，花左個位置都相當當眼同大面積，以下係我平時對架車hi花碰損既處理方法，你可以參考一下。
若果面積唔大但有D甩油而又無凹，可以到一般既汽車用品店下配返枝岩色既補油筆，只係幾十蚊，試下自己補油，再用較幼既水沙紙省返平，再用D粗臘捽下。
但如果面積大的話，咁就要搵車房搞。若果你有相熟車房，你當然可以比佢搞掂。但若果你無相熟車房的話，你就要小心比人開天殺價。
一般噴油分噴油同焗油兩種，前者故名思意即係淨噴油，如果有凹的話，師傅會先執返個型，再噴油，待乾，再用水沙紙省返平滑，最後車臘。而焗油同噴油所做既野相同，分別在於噴油同待乾既過程係焗油房進行，出黎效果當然焗油靚D啦！
價錢方面，由於呢D係手功野，所以可以相差好遠，噴油最平由$600到$2000一件都有，一般公價$800-$1000一件，要執灰的話一般加多$200-$500，若果要執灰既地方只係好小的話，一般都唔會加錢，而焗油一般由$2000起。
個人建議，如果你本身係新牌仔的話，而花左果度又唔會太過令你唔開胃既，不如渣住先，操多一排。
但若果你真係接受唔倒隻門花左，其實單件做返，一般噴油師傅都可以做倒新舊色對返九成，睇落去都唔會好覺返噴過，況且你架仲係新車，應該仲易對色，相信搵個好D既師傅，分分鐘睇唔出呀！以車門既大小計，你預手功ok既果D師傅大約開你$1000至$1200，最後提一提你，收貨時記得從唔同角度同反光咁望多幾篇，如果你架車唔係趕住用，收貨時如果發現手功有問題，唔洗怕唔好意思，老虎蟹叫佢做過，D噴油佬吹你唔脹架。
參考資料:
第一客貨車電召中心 www.Van100.com 熱線 31711111
Jan 26
我公司日日都會叫車
點解d司機通常唔多出聲,黑口黑面?
有d仲勁冇禮貌?
有時我叫車有d司機幫下手,又好禮貌,我會俾$20-50貼士
見到d冇禮貌就唔會,點解呢行d人咁對d客?係咪d客得罪佢??
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
好老實講，D街車司機一般都特別現實，佢地預左D游擊客(即係要車時先打上D台隨便叫一架)只係做一次半次，更唔會預你比貼士，幫下手又話加幾多，借車仔又話加幾多，預左無下次，所以唔會同你講心講禮貌。
不過有時都唔怪得，因為做呢行真係好辛酸，入台入線又話幾千，月費又話個個月成千，有時埋站頭排左成個幾兩個鐘，跟手出枝三四十蚊短途，比你都無心機啦！有時遇上D衰客，話知你死，上貨時撞黎撞去，過鐘唔補錢仲要大大聲話人屈佢，最衰就係D阿差，貨就質爆你架車，又超重又盛，過鐘唔補錢都不特止，試過整爛D行家既車窗仲唔賠….好多好多。
學似上面位小姐話齋，你地成班都係女仔，緊有禮貌啦！你試下換係成班師奶或者阿叔！睇下仲有無咁好死！？
我個人亦試過，有日假日人地叫我車，東涌某村屋一張梳化去屯門，個客初初話想我幫一幫手上落車，咁心諗，一上一落姐，求其只係收返台價淨路程同橋費$200啦！點知去到，個客要我幫手係三樓抬張梳化落樓仲要抬一段路至上倒車，連搬、路程、橋費，$200都算，去到係屯門收貨果邊比運費，廿幾歲死臭飛，唔該都無聲，大安旨意人地搬落車，落完車手渣住$200講左句…..乜咁貴架！比著你，唔鬧佢就奇啦！
不過，呢行當然亦真係有D有禮貌既司機，但最緊要，客人將心比己，唔好下下壓榨人，明知合理就唔好講價，大家自然開心。
參考資料:
第一客貨車電召中心 www.Van100.com 熱線 31711111
Jan 26
正常黎講，當被影快相而唔係即時派彩的話，交通部會於一個禮拜左右以掛號信將告票同交人紙一齊寄比中標車輛車主所登記既地址。
過往，我有朋友因郵寄問題，收唔倒告票而過左交罰款期限，而導致有額外罰款。為個人利益，我建你打去交通違例定額罰款查詢熱線查下，電話28666552，接通按1..6..3..0，睇下有無記錄。
參考資料:
http://www.van100.com
Jan 26
我想問汽車後級有好多種，有單路、兩路、四路&五路！有咩分別的？
我最主要係上聽靚聲，有時會炸下機！有D咩好建議！
有D咩牌子好，但有唔係好貴，因資金有限！
thx thx thx…!
NBN這個牌子得唔得，我見佢都好似幾平！
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
幾多路即係可以出幾多組喇叭，單路用作推單聲道(低音)，二路可推左右聲道，四路可推兩組左右聲道，五路可推兩組左右聲道加一組單聲道。選擇幾多路好睇你個人需要同車箱空間既擺位，舉例你可以用三隻二路去推前左右聲道、後左右聲道、同一對或一隻低音，亦可用一隻四路去推前左右聲道同一對或一隻低音，又可以用一隻四路去推前後左右聲道再加一隻單路去推一隻低音。
我個人黎計就試過玩八隻後級，全部二路，一隻推兩個十吋低音、一隻推一隻十二吋低音、一隻推前四吋中音、一隻推前六吋中音、一隻推前兩對高音、兩隻推兩對後五吋中音同一隻推後一對高音。
玩車機真係有好多好多種配搭同選擇，我渣Van仔就可以咁玩姐，如果渣架車仔就唔可以，所以我話選擇幾多路好睇你個人需要同車箱空間既擺位。
另一樣選擇因素，亦係重要既因素，就係資金，老實講，車機絕對係”車齒品”，真係一分錢一分貨，而且玩車機絕對唔應該得閒加下呢樣，有多餘錢又加下果樣，要搞就一次過。
仲有就係個人口味，有D人鍾意聽爽D、有D人鍾意聽柔D、有D人鍾意聽爆D、有D人鍾意玩美國佬式(只聽頭喇叭及低音)、有D人鍾意玩日本仔式(聽前後喇叭及低音)…..人地鍾意唔等於實岩你聽，所以要親身試聽過，岩feel先買。
我會建議你去D汽車音響店度搵D職員介紹比你，但並非所有汽車音響店都專業，我個人介紹鴨寮街新聲搵阿強(鬍鬚佬)、通菜街近界限街Galaxy搵麥生(沙皮)、粉嶺聯和墟創聯搵萬生(四眼仔)，本人覺得唔錯，而旺角中旅社隔離有間叫a e s搵關生，D意見都ok。
價錢方面，後級可以由一千幾百既大陸貨到兩萬幾一隻達文西都有，所以就係話最主要要睇你預幾多資金，再從呢舊錢去分餅仔，睇自己喜好分配，但點都好，千祈唔好買大陸或者台灣野，因輸出唔足以及有D唔安全，而且質素真係唔係好得。
而你所講NBN這個牌子……老實講….係大陸貨…..不敢恭維，仲衰過SONY，無謂嘥錢。
如果我係你，我會買隻正路少少既四路先，大路選擇PPI同DLS，要炸得就Rockford，有多餘錢就換埋喇叭，一句講晒，一分錢一分貨。
參考資料:
第一客貨車電召中心 www.Van100.com 熱線 31711111
Jan 26
架車比人HIGH花左, 重LUP埋
LUP左小小, 遠睇唔覺, 近睇好覺
大約10CM 長
想問拎去整通常幾多錢??
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
如果你打算拎去整，價錢方面，由於呢D係手功野，所以可以相差好遠，噴油最平由$600到$2000一件都有，一般公價$800-$1000一件，要執灰的話一般加多$200-$500，以你所講你果度要執灰既地方唔係大，應該都唔會加你好多錢，以車門既大小計，你預手功ok既果D師傅大約開你$1000至$1200。最後提一提你，收貨時記得從唔同角度同反光咁望多幾篇，如果你架車唔係趕住用，收貨時如果發現手功有問題，唔洗怕唔好意思，老虎蟹叫佢做過，D噴油佬吹你唔脹架。
參考資料:
http://www.van100.com
Jan 26
請問汽車水電會唔會壞?
水電唔係有水就有電?
如果想自行加水可以點做?
左右正負極,中間有4個制是用邊個來加水?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
汽車水電當然會有壞既一日啦！一般黎計，一舊汽車水電係正常使用下，可以有九至十八個月壽命，咁當然要睇你果舊電係邊度做、咩野牌子(大陸、台灣、日本)、你點用、點保養….好多因素，有時撞手神買倒舊衰既，分分鐘用得果半年，又或者買倒舊好既，而你又keep得好，用你兩年都唔奇。舉例，大陸電比較平，但質素一般都較差，亦唔建議使用，我試過用D台灣電都唔錯，三百幾蚊，用倒成年，日本質素好但較貴。而使用方面，唔適當使用亦會整死舊電，我有朋友有次試過熄車後唔記得熄大燈，到第二日發覺時，舊電已經乾到連表板燈都唔著，所謂既乾晒，係指舊電無晒電而唔係指舊電無晒水，咁舊電已經死左九成，即使入面仲有水，再加水差返電，都唔會用得倒三兩日，可以報銷。而保養方面，一般只需要定時檢查下舊電夠唔夠水，keep住舊電入面既水係適當既容量，舊電就自然襟好多。
如果想自行加水好簡單，只需將舊電上面果D入水位螺絲帽蓋全部扭開，再用一般純水(蒸餾水)，加到每個入水位入面有塊愛黎睇水位既膠度，岩岩掂倒，扭返好螺絲帽蓋就得，千祈唔好博老命入到滿，入滿既話，行熱左舊電就會谷D硫酸出黎(即係谷左電池入面D電池水出黎)，會好臭好似死老鼠咁，而且舊電亦會打柴。另外，有D人有一種錯覺，以為水電一定要入係汽車用品店入面果類十蚊八蚊，紅色一枝枝果D電池水，其實…..係唔需要買呢D貴野黎用既，因為果D只係普通既水染紅左，染紅左係使佢有色，方便加水時易D睇位，但加到入去時黑麻麻你都用電筒照黎睇啦！所以根本無作為，而且，加左色素既水亦即係有雜質，變相對舊電仲無咁好。要用，用蒸餾水就最好，我個人就用屈X氏，唔好用果D又加乜又加物既，純果隻就得架喇！
參考資料:
第一客貨車電召中心 www.Van100.com 熱線 31711111
Jan 26
當然有禁區啦！現時離境大堂對出果條路就係貨車禁區，貨車唔能夠停車，咁客貨車當然亦唔例外啦！你唔好諗住貪方便，博一博係果度落客，因為果度有黃腳立長駐，抄緊架！
由2007年7月14日起
輕型客貨車裝卸貨物時，
必須使用設於一號停車場側的輕型客貨車上/落區
距離離境大堂約9分鐘路程
Jan 26
我想問由叫貨van由元朗去香港鰂魚涌太古城中心,點去???有咩要主意,隧道幾錢等等…….THANKS!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
正所謂「條條大路通羅馬」，如果由一個地方去另一個地方，真是可以有很多的路線組合。如果以全香港的角度來看，由「元朗－太古城」可以說是由「大西北」我們可以將「元朗－太古城」分開幾段路來說，然後與其他路段合併：
1. 元朗－汀九（經：a. 三號；b. 九號 幹線）
2. 汀九－海隧（經：a. 三號；b. 五號；c. 七號 幹線）
3. 海隧－太古城（經：a. 西隧；b. 舊隧；c. 東隧 過海）
______________________________________________________________________
1a. 元朗－汀九（經三號幹線）車程：20分鐘
元朗公路（北行）－青朗公路（南行）－大欖隧道（南行）…
1b. 元朗－汀九（經九號幹線－逆時針環迴）車程：25分鐘
元朗公路（南行）－屯門公路（東行）深井段…
2a. 汀九－海隧（經三號幹線）車程：10分鐘
…汀九橋（南行）－長青隧道（東行）－長青橋（東行）－
青葵公路（南行）－西九龍公路（南行）－
2ai. 西隧（南行）…
2b. 汀九－海隧（經五號幹線）車程：15分鐘
…屯門公路（東行）油柑頭段－荃灣路（南行）－葵涌道（南行）－
荔枝角大橋（東行）－西九龍走廊（南行）＝
2bi. 加士居道天橋（東行）－康莊道（南行）－舊隧（南行）…
車程：10分鐘（視乎路面情況）
2bii. 加士居道天橋（東行）－漆咸道（北行）－東九龍走廊（北行）－
啟德隧道（東行）－觀塘繞道（東行）－東隧（南行）…
（此段為二號幹線的一部份）
車程：15分鐘
2c. 汀九－海隧（經七號幹線）車程：25分鐘
…屯門公路（東行）油柑頭段－荃灣路（南行）－葵涌道（南行）－
呈祥道（東行）－龍翔道（東行）－觀塘道（東行）－
鯉門道（東行）－東隧（南行）…
3a. 西隧－太古城（經四號幹線）車程：10分鐘（視乎路面情況）
…干諾道西天橋（東行）－干諾道中（東行）－夏愨道（東行）－
告士打道（東行）…
3b. 舊隧－太古城（經四號幹線）車程：10分鐘
…維園道（東行）－東區走廊（東行）－
太古灣道（東行）－太豐路（南行）－太古城道（西行）－
太古城中心
3c. 東隧－太古城車程： 5分鐘
…東隧（南行），靠右出隧道，跟「柴灣」路牌
－東區走廊（東行），繼續靠右入支路
入支路後即靠左跟「康山」路牌上
－康安街（西行），右邊第一個路口轉右落橋入
－英皇道（西行），靠左轉左入
－康山道（東行），靠左轉左入
－太古城道（西行）直去即到
－太古城中心
由以上可見，由「元朗－太古城」最少可以有十幾廿種路線的組合前往，還有其他可行的路線未能盡錄哩（例如元朗－（經九號幹線－順時針環迴）－沙田－（經二號幹線南行）－觀塘－（經東隧）－太古城）。
至於各行經的隧道，貨van收費如下：
1. 大欖：HK$30.0
2. 西隧：HK$50.0
3. 舊隧：HK$15.0
4. 東隧：HK$38.0
另外，長青隧道及啟德隧道為免費的行車隧道。
最快的路線，亦都是最貴的：
路線：1a - 2a - 2ai - 3a - 3b
車程：50分鐘之內 la
參考資料:
http://www.van100.com
Jan 26
好多時違例泊車我係架車旁邊沒上車,差人過黎問我令車牌跟手抄張450其實係合唔合法呢?
我有朋友同我話d差人成日乍乍第第亂黎,佢話如果你唔係車上最多只可抄350係唔係呢其實?
仲有如果我係乘客位點計呢
同如果我係車旁我係咪有沒權唔俾牌佢呢
同如果佢真係抄左我我係咪可以投訢佢呀?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
違例泊車時如果你係司機又係架車旁邊無上車，差人過黎問你拎個車牌跟手抄張$450既人牌，當然係合法啦！你當然可以唔認係司機，佢都無乎，但就一定抄緊車牌$320。
你亦都可以試下求情博佢唔抄啦！一般要抄都只係多數抄車$320，除非你*****鬼寸佢佢先抄人牌。其實有司機係度，一般只會叫你開車，除非係禁區又或者你停泊既方式或位置太過份，而且，佢抄車就人情，抄人就道理，無得拗。
如果只係乘客位有人，佢最多只可以抄車，除非佢又*****鬼到等到個司機黎啦！
如果你係車旁你當然係有權唔俾牌佢啦！但佢同樣有權告你阻差辦工、勾車之類。
如果佢真係好似上述咁抄左你，你當然可以投訢佢，除你要有足夠理據，如果唔係，我勸你無謂浪費時間。
其實，你將架車停係任何合法既泊車位以外既道路或地方，私家路除外，無論果度係唔係禁區都好，佢地都有權而且係合法咁抄你牌。
參考資料:
http://www.van100.com
Jan 26
車頂入風口係咪好似WRC越野賽果車頂有個類似turbo車頭冚果D生風口呢！？果D係比D車手抖氣用，本身架車個頂有個好似DVD盒咁上下大既天窗仔再加上一個呢D導風口，你如果係街見倒SUBARU既IMPREZA RA，你留意下，佢原裝車頂就有呢個天窗仔，基本上無人會咁改。
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
各位我想問下,我是六年前考車牌的,但時的貨van係揵匙先踩極力子入波,但我近日賣左架03年棍波司家車,但卻要先踩極力子才可以揵匙,點解會改成咁既,請覆我ar!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
其實這是一種安全設施，因棍波車好多時會在泊車後入波，再開車時就會忘記已入波而撻匙，如冇踏著brake，如祇用手制，就會停不了而滑動，構成危險。
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
我今年25歲, 想出部5.5 噸做生意 ,
定係出部貨van 做好呢? 但好多人都話出部
車好難做 ! 咁又請問各位我可以係邊到可以
接到d 長期order 做呢??
請問各位有乜意見比我呀?唔該 !!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
如果你無真真正正做過或者接觸過呢行，我勸你無謂諗喇！
而家你真正要諗既唔係出5.5定貨van好，而係要諗自己有無呢D路數。
唔計自己份人工，如果你手頭上連一D基本可以維持部車既皮費既散客都無的話，例如有無D朋友做緊既公司要用運輸，而且仲要係你真係可以差倒隻腳入去做果隻，當你唔食，淨養車供車最少都要六七千，仲未計入油、暫時墊出黎既雜費….
你講果D長期order，一般人地已經有固定運輸做緊，好難插手入去分一杯羹。
若果你堅持要試下既，5.5定貨van既皮費唔差太多，試下入台做，先接下D散order做，再派下咭片，博佢地下次直接call返你，或者熟左有得關照你，介紹第二D客比你。
但…..唔好話我潑你冷水，你唔好期望咁高，皆因呢D台大多都要入台費，又要裝對講機，加埋又話幾千，而且而家D台價真係好咸，而且call親車D客大都係打游擊，間唔時一次，你考慮清楚先。
參考資料:
第一客貨車電召中心 www.Van100.com 熱線 31711111
Jan 26
本人想問下邊間台比較好？一般既台費大約要幾多架？同洗唔洗經驗架？佢地對ｄ車有咩要求架？本人住係新界，其實係咪應該撰ｄ站頭係新界既公司？同係咪通常都會有人會月租貨灣架？其實除左上台外，仲有方洗比人月租自己架車？
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
一般都係入D大台比較好，大台台費大約1000-1200左右，入線連貼紙、電訊牌、單簿….等雜費約3000-6000。
有D台台費有分貼字或掛牌，分別差200-300。
一般都唔洗經驗，最緊要你有錢比。
大多數台對ｄ車都無咩要求，只有少部份會要求架車企理，都係果句，最緊要你有錢比。
你住係邊基本無乜關係，就算個台係正你屋企樓下有站頭都好，無乜order既，台費平都無用，而且，始終市區會多D order，你應該以搵倒食而又同自己夾得黎為依歸。
你所指果D “有人會月租貨灣” 意思係咪指人地包月果D呢！？要搵呢D工作好講運氣，可遇不可求，只可以自己做好D，希望D客由生做到熟，望佢有介紹，有野關照你。
而你可能對”入台”有D誤解，入台係你比錢個台，藉此等佢比野你做，而唔係D台租你架車，可以話，入台果D車先至係D台既老細。
參考資料:
http://www.van100.com
Jan 26
我想問架貨van 加偈油係咪就咁”檸”開偈油蓋入落去就得架la ??
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
如果你純粹加偈油而唔係換偈油，你首先檸開偈油蓋，再將偈油尺拎出黎，用乾淨既布或紙巾係咁咦抹乾淨枝偈油尺，然後插返好枝偈油尺，等一兩秒，又再將枝偈油尺拎出黎，睇下D偈油浸到枝偈油尺邊度，偈油尺上面既刻度E果邊即係唔夠，F果邊即係滿，然後用漏斗，或者用個乾淨膠樽剪去下半用上半當漏斗，續D續D咁倒返D偈油落去，重覆上面步驟，直至D偈油浸到枝偈油尺接近F就ok，但切記千萬唔好高過F。
資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111
Jan 26
我想帶我隻玩具貴婦狗由黃大仙到西貢。
請問call 的士定call van 抵d?
call 的士要幾$$$?
call van 又要幾$$$$?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Call的士如果想有折, 當然要搵番相熟司機啦.
不過通常係咪表上顯示的金額計為8折.
Call Van 仔, 其實冇乜特平價格, 因為司機都係入線的, 不過最好搵番相熟, 因為易話為.
不過最低消費通常都係二至三百蚊左右.
不過如果你唔係需要放大件物品的話, 是帶狗搭車的話, 我建議你只需要Call 的士巳經可以.
但的士需要收番寵物費用, 係每隻計算的, 都是幾蚊的. 即等於行李咁收費
參考資料:
第一客貨車電召中心 www.Van100.com 熱線 31711111
Jan 26
問現時香港有哪些電召的士及貨 van 公司？
我聽人講過話有什麼 “鳳凰” 之類的街車，
仲話好似一轉車 $100 以下都有交易，
請問到底現時香港有幾多間類似的 電召
的士 或 貨 van 公司？有冇明確價錢表
列明邊區到邊區幾錢一程？貨物駛唔駛另計錢？
一般要提早幾耐通知預約定係隨叫隨到？
請提供這些公司的詳細價目及電話等聯絡資料
以供比較，謝謝。
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
全港要數所有電召的士及貨 van 我相信有排數，的士有聯友、惠益、友聯、榮利、交通城、四海、偉發、聯合、車馬樂、全通 、全利、金菱、沙田、榮泰、城市、百佳、香港、港聯、益新、合眾、新興、北區、利萊、環保………….貨Van有第一、全港、成記、蘋果、太陽、東方、皇朝、大象、鳳凰、恆生、鴻昇、開利、永盛、永嘉、金寶、中華、皇馬、莎莎、UC、勁達、利燁、便利、Yes、雞記、太陽神、佳運、創藝、668、財神、力通、先達、先鋒、亞洲……….
其實，比咁多間你都未必有用，如果你純粹齋路程，唔需要司機幫手或同佢借手推車，相同地區路程間間收費唔會相差得多，而且某D台唔係區區有車。
佢地收費通常係咁，唔理你上幾多貨，以唔超重為限，一般900KG，點去點收幾錢，免費上落貨時間合共15分鐘，過時每5分鐘5蚊，要司機幫手就另議，借手推車另外加錢，但要注意，有D司機只會用尾門果截載貨，中門果截唔載貨，如果你要截長身既貨要拆綱，或貨比較多要載埋中門果截，最好係call車時同台姐講明，另外，有D台係晚上10點打後call車有晚間附加費，如果你要呢D時間要車，最好先電話問左價錢先。
服務方面，個個台都一定話自己服務好，司機有禮貌，但最終取決於係司機個人品格修養，所以無得好講。
呢D路程價目表你可以問司機拎，有部份台既綱頁入面都有。
不過呢間www.van100.com 重勁,有埋即時對話功能同booking添
個人經驗，一般平日果D時間預早15-30分鐘call車就ok，晚間要車，最好就預早一兩個鐘，假日或者凌晨，就最好預早半日至一日落柯打，咁就最穩陣。
我本身都係貨van運輸，有時D貨上唔晒我都會叫街車，但我唔會刻意次次格價，都係果句，相同地區路程間間收費唔會相差得多，有D台某D路程係會平D，但真係要搵最平果個，左格右格，浪費咁多時間格價，慳埋頂多十元八塊，即使係最平，D台唔夠車，無車比你，幾平都無用，所以我會選擇比較多車既台，以下幾間都唔錯，多車，價錢合理，你可以試試。
第一：31711111
全港：23966666
成記：香港25599999九龍27811111新界26699999
永盛：香港25564556九龍25099999新界26563999
便利：27230000
東方：23900000
的士方面，你可以上以下綱址，入面有好多的士call台電話。
http://www.vectormap.com/iconhp/q/taxi.htm
參考資料:
第一客貨車電召中心 www.Van100.com 熱線 31711111