第一客貨車電召中心 www.Van100.com Tel: 317 11111

我call左架細van入西貢玩.但計埋司機就7個人.唔知有冇超載?
我都唔知正常可以坐幾多個乘客.有冇人知?
司機就唔怕話7個人就7個人啦~
想問如果交通警發現超載.抄司機牌之外.乘客要唔要罰錢或其他野?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

細van係咪入台果D街車呀！如果係，果D van只可以連司機坐6個成人，你咁已經係超載，超載只會抄司機牌罰款$450，乘客係唔需要負法律責任，如果司機話唔怕，萬一真係抄牌，客人係唔洗支付罰款，除非上車前，司機講明抄牌入客人數。如果比警察截到，警察一般只會抄牌，亦可以要求多左既人數馬上落車甚至全車返差館。而且，當真係有起交通意外，保險公司係一定唔會賠，無謂因小失大，博唔過。

亦有d 改裝過既白牌7人車既 or 豪華7人車, 您可以call 架

資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111

我未做過呢行，好想出架貨ｖａｎ，不過唔知收入如何，所以投資一架好平的ｖａｎ仔．　
1. 2-3萬出架現代van好，定係91-92 hiace（可能要成日維修）？因為94-96 hiace 好多都俾人劏左，如果唔係97後d車又好貴.
2. 上台新做，咩台好？
3. 如果每日都早上8時開工至晚上8點(一星期6日)，其實新做平均每月可以搵幾錢 （(講緊扣埋油錢）；另外如果做耐左，最多又可以搵幾多錢呢？

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

如果你無真真正正做過或者接觸過呢行，我勸你無謂諗喇！

而家你真正要諗既唔係出邊隻貨van好，而係要諗自己有無呢D路數。

唔計自己份人工，如果你手頭上連一D基本可以維持部車既皮費既散客都無的話，例如有無D朋友做緊既公司要用運輸，而且仲要係你真係可以差倒隻腳入去做果隻，當你唔食，淨養車連油最少都要六七千，仲未計暫時墊出黎既雜費….

若果你堅持要試下既，一般都係入D大台比較好，大台台費大約1000-1200左右，入線連貼紙、電訊牌、單簿….等雜費約3000-6000。有D台台費有分貼字或掛牌，分別差200-300。
先接下D散order做，再派下咭片，博佢地下次直接call返你，或者熟左有得關照你，介紹第二D客比你。

但…..唔好話我潑你冷水，你唔好期望咁高，皆因呢D台大多都要入台費，又要裝對講機，加埋又話幾千，而且而家D台價真係好咸，而且call親車D客大都係打游擊，間唔時一次，你考慮清楚先。

搵幾錢無定架，呢行唔同你打份工，唔係你肯做就代表你有野做，我識有D，由朝排台排到晚，先得果三四舊，大把人好似你咁，未做過呢行，乜野打底都無又話出架車做，你諗清楚先啦！以你未做過呢行計，出架車牌費每年$4254，燕梳三保0%NCB約$7500-30%NCB約$3500，你出架咁舊既車就一定唔止，年驗以架車無乜問題計約$2500，架車咁舊又一定唔止，車場以$1500/月 計，油以每月$3000連去街計，損耗品(如車軚、水撥、電池…)、抄牌、保養(如換偈油風隔油隔….)，每月最少最少預$1000…….
$4254+$3500+$2500+$1500X12+$3000X12$1000X12 = $76254/年

即係話，以每月有25日工開，每日最少頭$260係養車，而且，呢條數係仲未計入台，每月台費果D，一個唔該抄多兩張牌，唔覺意撞倒下人地D車要賠……..好多好多估計唔倒既野，分分鐘白做甚至倒貼。

都係果句，諗清楚D先啦！

參考資料:
http://www.van100.com

件事唔係我既錯係我比人撞,但係我當日又無買第3者保險e家警方個邊要我上去落口供,我想問下我會唔會比人停牌同罰錢,如果我真係比人停牌又會比人停幾耐同罰錢又幾多到,但係我係3年裏無比人扣過一分同凡當時既牌費係10月16日,e 2 點會唔會令我唔洗比人停牌已罰錢,同我重想問如果我真係咁唔好彩比人停對第時買既車保價錢會唔會好大分別..

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

首先如果你覺得我講得好,唔洗+分俾我.我不過是想各位駕車人仕要留意
第一首先你要明白何為第三者保險,第三者係替除你和另一方司機外購買的一份保障,當事故發生後,受到該事故影響而要索取賠償,則都為由對此車購買之保險公司賠償
第二就算過期1日2日都好,是不應該在路面行駛,香港有條法例上面寫 : 除本條例另有條文規定外，任何人在道路上使用汽車，或致使或允許任
何其他人在道路上使用汽車，除非就該人或該其他人(視屬何情況而定)對車輛的使用已備有一份有效的和符合本條例規定的第三者風險保險單或保證單，否則並不合法。
http://www.legislation.gov.hk/blis_export.nsf/findChinLawb?OpenAgent
第三法例都有寫明罰則如任何人違反本條而行事，可處罰款
$10000及監禁12個月；任何人就本條所訂罪行被定罪，其持有或領取汽車駕駛執照的資
格須予取消(除非法庭因特別理由而認為適合另作命令)，期間由法庭裁定，但由定罪之日起計不得少於12個月或多於3年。
http://www.legislation.gov.hk/blis_export.nsf/findChinLawb?OpenAgent

參考資料:
http://www.van100.com

本人想入口台.邊個好D…請教一教我….全新手

以我經驗，hiace每年折舊1萬，轉左款又爭1-2萬，新款05年二手大約15萬幾，咁…..01年大約9-10萬就差不多，如果你果架01係原裝車，又係經車行的話，貴左少少啦！但如果係私人既，就太貴喇！始終經車行買(有信譽果D)，比私人買貴在有D咩事的話佢都會同你跟返，但私人轉讓轉左名就各安天命，所以一般同車行買會比同私人買貴D，試下還價還多D，唔洗怕唔好意思喎！正所謂開天剎價，落地還錢。另外，留意下總公里有無比人較過，以我咁少開車都每年行成2萬5，車身同機械野最好搵有呢方面經驗既朋友或車房幫下眼。

而入台方面，一般都係入D大台比較好，如全港、成記、永盛咁，大台台費大約1000-1200左右，入線連貼紙、電訊牌、單簿….等雜費約3000-6000。有D台台費有分貼字或掛牌，分別差200-300。

但…………唔好話我潑你冷水，如果你無真真正正做過或者接觸過呢行，我勸你無謂諗喇！考慮清楚先，唔好以為入左台，肯做，就搵倒兩餐，呢行唔同你打份工，唔係你肯做就代表你有野做，我識有D，由朝排台排到晚，先得果三四舊，我眼見好多新做既，做左無耐因唔夠order，損手爛腳離場。

我岩岩答左個同你差不多既問題，佢最後於發問者評價中講左句……..原來ｄ皮費都好大；個成本都幾貴，一日冇5佰生意都未必cover條數，但我話你知，街車呢行每年年頭果兩三個月都好靜，加上平時休息，人同車頭暈身興，好天收埋落雨柴，每日要有8舊至夠。你睇下我D我的回答，入面有好多呢方面既資料，睇左先再考慮清楚。

參考資料:
第一客貨車電召中心 www.Van100.com 熱線 31711111

1. 係唔係買左架貨van就可以上台?
2. 上台後係點樣接生意? (係唔係會有部call機? 定係打電話比你?)
3. 做九龍會唔會要揸到去香港區?
4. 開工時間定唔定? 點出糧?
5. 平時無野做時係唔係週街停低等call? (因為我見留下有時會有貨van司機訓覺!)
6. 唔係太差收入會有幾多? 上台費要幾多? 油錢一個月又要幾多?
希望有心人可以解答到我!!
十萬個唔該!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

1 ) 基本上買左架貨van就可以上台，除非你架van殘到D台都唔收。

2 ) 一般D台都係用對講機，行內叫台機，即係的士果D黎出柯打，有少部份用打電話出。

3 ) 當然有咁既機會揸到去其他區啦！但我估你意思係咪問，如果你係九龍會唔會要特登揸到去香港區接柯打，你睇埋下面就明。

4 ) 開工時間唔定架，基本上個台開工，你就可以開工，有D台仲有24小時營業。而入台係無糧出既，而係每做完一個柯打就即刻同個客收錢。

5 ) 佢地唔算係週街等架，一般佢地會係站頭等出柯打，你留意下，佢地通常唔會得一架半架。

6 ) 收入唔定架，睇你每日做幾耐，有無柯打，好彩既，淨做台料一日可以過山，唔好彩既，淨做台料一日可能得兩三舊，油錢亦無定，你架車大食D細食D又唔同，柯打多D少D又唔同。

簡單講講，買左架貨van，選擇入邊個台，大台車多柯打多台費自然貴，同樣，細台車少柯打少台費自然平，先比入線費，入線費由唔洗入線費至幾千蚊都有，入線費只係比一次，比台費，台費由幾百至千幾一個月，有D台台費又有分貼台Logo同唔貼台Logo掛牌，唔貼台Logo會比貼台Logo貴三幾百，仲有貼紙、電訊牌、單簿呢D雜費，有D台既入線費已經包埋，單簿用完再比錢買，揀call 嘥，即係車number，咁就可以開工。

開工前，先問清楚各區站頭位置，到你開工時，你揸架車到站頭，然後同台姐報call 嘥，例如：313威力咁，威力係某台響火炭既站頭名，因為果度有座威力工業大厦。之後台姐收倒就會覆你排第幾，例如：313四車咁，即係你排第四，咁個台收倒響附近D柯打，台姐就會跟次序出，例如：123，火炭華樂去九龍灣邊度邊度，價錢幾多幾多咁，之後就去接個客，完成，收錢。

最後，我個人勸你，如果你無真真正正做過或者接觸過呢行，我勸你無謂諗喇！如果你手頭上連一D基本可以維持部車既皮費既散客都無的話，齋跑台，除晒皮費，仲少過求其打份工，出面大把貨van佬一個月養車七除八扣，淨底得果三四千，加上而家D台費、油價又貴，柯打又平，加上過埋年果兩個月又靜，你想清楚先啦！

參考資料:
第一客貨車電召中心 www.Van100.com 熱線 31711111

如果無記錯，係無紅van由西環直接去或經觀塘碼頭，
亦無任何紅van直接去或經觀塘碼頭，
但有紅van由西環去觀塘，
基本上你一定要轉一程車。

不過如果您有貨可以叫架貨Van , 一般都係幾十蚊加隧道費, 直接就去到啦

參考資料:
http://www.van100.com
第一客貨車電召中心
熱線 31711111

日本van仔唔一定平，以TOYOTA既hiace為例，同年份既VAN中佢一定係最高價，如果你唔介意牌子同年份，只要平的話，以2.8噸VAN計，你可以選擇萬事得/福特既E2500或現代H100，呢兩款算係市面上最平既二手VAN。

參考資料:
第一客貨車電召中心 www.Van100.com 熱線 31711111

想問,平時d人追星租果d黑色麵包車係邊租架?同埋邊間平d,大概$200左右最好^^

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

其實呢D租車追星計法係以時租計，又叫包鐘，而追星租既車時租計法會比普通時租租車派貨貴DD，因為租得黎追星，通常都係新車，唔會岩岩慚慚，加上追星果陣好多時要超速追車或其他正常揸車唔會出現既動作，所以唔係咁多普通司機肯同你博，因為咁會貴DD，普通時租租車派貨果D大約七十幾八十一個鐘，而追星果D大約$100一個鐘，隧道車場呢D雜費另計。另外，包鐘又有個底，即係最低消費，以香港、九龍、新界同大嶼山咁分，一般一區個底為3個鐘，兩區個底為5或6個鐘，三區個底為7或8個鐘，過鐘照計，有大計大。

舉例，你要追某某，佢住香港某酒店，佢當日行程會去中環、尖沙咀再返酒店，你要由酒店追到佢返酒店，你最低消費即係$500，如果佢當日行程總共4個鐘，你都係要比最低消費$500，但如果佢當日行程總共8個鐘，咁你就要$800，又舉例，你要追某某，佢住香港某酒店，佢當日行程會去觀塘再去機場，你要由酒店追到佢到機場，你最低消費即係$700-$800。

以你$200既要求，我相信好難。

資料From Yahoo :
第一客貨車電召中心
包鐘、7人車等
http://www.van100.com
Tel : 317 11111

我架車係07年 hiace 3.0
因為小弟呢科係新手
所以想問下　
１’偈油
２’偈油格
３，波箱油
４’油渣格
５’風格
一般要幾耐換一次呢？？

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

首先，呢D車一般要經常注意同更換既有四油，三隔，兩水，偈油、波箱油、尾牙油、迫力油、偈油格，風格、油渣格、水箱水同電池水。

以我咁耐以黎經驗同問車房D師父，偈油同偈油格一般5000至8000公里或4個月換一次，以先為準，要睇你多唔多著車行車，如果你行得密，可以差不多8000換一次，如果你行得唔多，但成日著住部車的話，5000過左或夠4個月好換一次喇！

風格就每換偈油隔一次更換，唔需要換果次，可叫換偈油果度D人用風槍同你吹下個風格，而一般風格都係用紙造，所以，千祈唔好用水沖，除非你用海綿或可清洗果類風格。

波箱油就大約25000-35000換一次，同偈油一樣多唔多行車，睇你點揸，我通常行到20000咁上下以後，每次換偈油果陣，我都叫換油個師父同我睇睇，當D波箱油有D立立地，即係岩岩夠期要換，千祈唔好等到好立果陣先換，但小心有D只為賺錢既鋪，係唔係都叫你換，以我為例，我呢轉33XXX都未洗換住。

迫力油最簡單，迫力油壺有刻度，自己買，得閒先望下，唔夠就加。

油渣格以你入油站油計，10000或半年換一次。

尾牙油方面，未到20000左右倒或一年就要換，同波箱油一樣，你可以叫換油個師父同你睇睇，尾牙油好緊要架，遲左換，尾牙響會VV聲，嚴重重會燒尾牙，到時唔該抬過副尾牙。

水箱水要留意士啤水箱，唔夠，就自己買支水箱水，一般你可以1比1咁溝清水，我就溝蒸餾水，加返佢，平時再留意下有無大食水箱水，無大食水咁就ok喇！

最後電池水，又係得閒留意下，我一般兩個月望一次同加水，每次檢查時，電池頂D扭著個扭開，個口入面兩邊有兩條膠骨，睇睇D水有無岩岩掂倒條膠骨，有就ok，無就又係自己買返黎加返佢，唔洗亦唔好走去買紅色果D電池水，用蒸餾水就得，亦係最好，記得加到岩岩掂倒條膠骨，唔好死入爛入，入太滿舊電池會谷硫酸，一來好臭，二來谷出黎D硫酸會拿電池附近D野，三來舊電池會死，如果得太多，可以用針筒吸返出黎。

參考資料:
第一客貨車電召中心 www.Van100.com 熱線 31711111

我架van仔,空波大油時就會係咁噴白煙

真係大到好似著火咁!!

有冇c兄可以講比我知係咩事呢!?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

好大白煙好大機會係燒偈油，
燒左爭口或盤頭有事，
偈油上左盤頭，直接燒倒偈油。
基本上你可以副偈已經要大修或抬過副，
因為……………我都試過，快D去相熟車房檢查下。

參考資料:
第一客貨車電召中心 www.Van100.com 熱線 31711111

大部份都幫人車寵物
只是會收費不同，一般都平過搭的士

我用開呢間，佢地沒有另收附加費，d車又新淨。

資料From Yahoo :
第一客貨車電召中心
寵物接載
http://www.van100.com
Tel : 317 11111

本人新做貨van,接左job,要在車身貼紙,現在不做,要整走它,點知原來貼左一張白色底色的貼紙(本人貨van車身係籃色),請教啲師兄用火水,但都不能,各位,有其它方法嗎?萬分感謝

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

唔好用火水、白電油或其他潤滑劑，會傷車身油，即使而家唔覺，第日都會好現，會瓦色。我有朋友做汽車音響，佢有支專起膠積既噴劑，專愛黎起膠紙呢類膠積，唔傷皮膚同物質表面，但最緊要你張白色底貼紙有無辦法撕起一角黎比你拎住，邊噴邊撕，我試過另外有個朋友支水塘全支用海綿貼貼住，海綿貼貼果邊類似海綿雙面膠紙果D質地，佢撕左三個鐘至撕乾淨左一半，我果陣先知佢要撕海綿貼，拎比佢用，用左四個字，乾淨晒。

參考資料:
http://www.van100.com

請問如果想拆下有氣袋既呔盤有冇要特別注意既程序…到時我再裝返上去又有無野要特別注意……因為我聽人講如果拆同裝都唔小心會令到個氣袋無LALA咁彈出或無反應同AIR燈長著…..我架係日產車….

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

拆氣袋軚之前,先攞走粒FUSE,然後拆埋電池接頭,SENOR無电到就不會短路爆袋.鬆開軚盤上固定螺絲,慢慢將軚盤同軚軸分離,除左响安的插頭外,還有另一組插頭,連接上面有個三角形感嘆號的LOGO,那是氣袋的引爆裝置,把它插頭甩出就不會爆了.
如果你裝返個無袋的RACING軚上去,裝返粒FUSE上去,因為個軚盤無訊號,個SRS燈會長著,而且連旁邊個氣袋都可能吾會正常運作,所以倒不如由得佢吾好插返個FUSE.等下次驗車前全部按序全新裝返晒上去.

資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111

我一路都收唔到罰款通知書，但今日返到屋企竟然收到張法庭命令，要比ｄｏｕｂｌｅ罰款加堂罰。好無奈．．
有冇得申訴架．．

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

你情況我以前試過，因為有時郵政方面出現問題，錯地址或寄失之如此類，我以前報上運輸署個地址唔知為咩有少少出入，有時郵差見地址爭DD，有D會將信打回頭，而我住果度係舊式洋樓，治安幾好，有D郵差見地址爭DD，會將信放響信箱上面等人認返，我之前同樣係收唔到罰款通知書，之後收到張法庭命令，你可以試試我之前既處理方法，先打電話去中央交通違例撿控組28666552，講返個情況，然後再書面通知，提出抗辯，之後就排期上庭，上庭後由於運輸署入面我個地址真係有好少好少出入(可以話其實無影響)，個官就判左我只係交返之前張告票，同樣，你亦有可能因為寄失而收唔到罰款通知書，你照打電話寫信，但個官最後信唔信你就只有到時先知，搏唔搏得過你自己衡量。

參考資料:
第一客貨車電召中心 www.Van100.com 熱線 31711111

如題,請詳細D!THX
99HIACE係100定200

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

由90-05年出果款係100系，而05年起果款，即新款HIACE就係200系，99HIACE亦即係100系。

資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111

近近地深圳的話，八卦二路、桃園路一帶都有好多呢D汽車飾品，不過一般而言，D貨品質素同款式都麻麻。

參考資料:
第一客貨車電召中心 www.Van100.com 熱線 31711111

剎車油即係迫力油，一般汽車用品精品店或油站都有得買，一般貨色都係二三十蚊，而迫力油一般都只需要加返就得而唔係好似偈油波箱油咁要次次放清黎換，除非你因為修理或每隔一段長時間要放清黎換。

資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111

如果我我會咁行。

廣播道去：廣播道、聯合道、太子道東，於彩虹村太子道東入口入彩虹村。

龍翔道去：龍翔道，過左黃大仙新光後第二個出口，即10號新蒲崗出口出，蒲崗村道、彩虹道、寧遠街、崇寧街、爵祿街、景福街、景泰街、太子道東，於彩虹村太子道東入口入彩虹村。或龍翔道、新清水灣道、豐盛街、清水灣道、落返龍翔道西行，於彩虹村龍翔道入口入彩虹村。

資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111

我見到街有d Van 仔有d 卡通拉花好靚 ，知唔知邊度整?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

如果現成既我就唔多覺邊度有，但我知有D人會拎D犒去比人汽車貼紙，你可以去元朗安良里，果度有門間專做汽車貼紙，條街好短間野好易搵，但起一個犒要$100，不過話晒人無我有。

參考資料:
第一客貨車電召中心 www.Van100.com 熱線 31711111

pioneer D車機近幾年越出越好，
5950都係一個唔錯既選擇，功能多，價錢又抵玩，但mon方面，由於市面有太多唔同既mon，好難話邊隻有保証，我朋友開汽車音響鋪，佢亦係AMMA國際汽車音響評判之一，如果你有興趣，可以去傾傾計先了解下。我費時俾人話我賣廣，如果你有經開太子，你去X菜街254地下睇睇，搵沙皮，睇下有無好介紹。

參考資料:
http://www.van100.com

我發覺我架車近排入N波時會漏前/漏後 (條路係平路)

我想問會唔會個波箱有問題 ?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

入N波既係入左空波，如果你當時無拉手制或踩制，而你架車會溜前溜後，即使果條路你覺得係平路，最大問題就係，跟本條路唔係平，而係一D好輕微，輕微到跟本察覺唔倒既暗斜，如果正如你所覺得條路係平路，係個波箱有問題，一係就溜前，一係就溜後，又點會一時溜前一時溜後呢！？最簡單方法測試下，你搵條平D既路，最好係D靚D既停車場入面D路，入N拉手制再隨便搵D細件既野，例如一個火機，求其放響其中一隻轆既一前一後，再鬆手制，如果真係你所覺得係個波箱有問題而導致架車會溜前或溜後，我相信架車既動力點都一定會轆得過個火機，始終，人地鋪路果陣好難做到百分之百水平，只要有三幾度咁細而又唔察覺既斜面，架車一樣會溜。

參考資料:
第一客貨車電召中心 www.Van100.com 熱線 31711111

我想自己更換風油呔油，可否指教一下個過程？
用不用先把舊的油抽出來？
另外水撥刮水不夠透徹，應怎樣更換呢？
以上的兩項物品在那裡可以買到？

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

風油呔油一般唔需要更，風油呔油主要用途係用作油壓等扭呔時唔個呔輕D，你只需要買返D波箱油加返落去就ok，另外水撥刮得唔乾淨就好簡單，只要度返水撥長度，買返相同長度水撥，更換就ok，水撥膠條同水撥之間有個扣仔扣住，只要將個扣仔向內一按，再將水撥膠條一拉，咁就甩倒，就咁講好難講，最簡單你買果陣，睇下D唔同牌子水撥既包裝，緊有一款有圖文教你更換，再唔係隨便問下D售貨員或其他司機，一定好易搵倒人教你，以上物品可以響一般汽車用品店或油站買倒。

參考資料:
第一客貨車電召中心 www.Van100.com 熱線 31711111

我想問貨車5.5噸資料
車斗 (鐵、鋁、纖維斗) - 邊個穩固性較好?
尾板 (鐵、鋁) - 邊個承重力較好? 邊個耐用性較好?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

車斗唔計特別用途，如雪櫃斗，以我所知，一般最常見有鐵斗，即密斗、坑斗、街斗，即得個木架果D，同纖維斗，鋁斗就好似無聽過，可能我見識少啦！純綷講穩固性，基本上密斗、坑斗同纖維斗都差不多，當中又以纖維斗最穩陣，但如果你選擇用邊種貨斗，應該以你既金錢預算同車斗佔總重幾多黎選擇，坑斗太重，剩餘可載重量唔多，街斗可載重量多，但落雨又要拉帆布，貨又唔可以擠響車過夜，有D大公司外判運輸又唔接受街斗…..所以上述兩種一定唔諗，而密斗同纖維斗分別在於密斗平D，纖維斗靚仔D，不過纖維斗入面好焗。

而尾板方面，鐵同鋁板承重力係一樣，因為好唔好力係睇套尾板用邊隻摩打同用邊隻筒唧，相對黎講，鋁板比鐵板輕D，輕幾多就唔記得，但都輕唔少，如果用同一樣摩打同筒唧，變相鋁板承貨重量會較多，耐用性同樣係睇套尾板用邊隻摩打同筒唧。

如果資金充裕，我一定選擇纖維斗同永德既鋁尾板，話晒永德既尾板出名之餘又係外國貨，無記錯應該係歐洲，協力D尾板都ok，不過近幾年個價錢都同永德差無幾，而且又唔係外國貨，反正都係，唔差在果些少啦！

我想租D大形小小客貨車，邊一間最平最好。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

你所指大形小小既客貨車係咩定義呢！？基本上客貨車一般亦即係貨Van。

如果你係想載貨量比貨Van多，但又可以好似貨Van咁另外載到5個人，你可以搵D叫孖屋仔既貨車，呢類貨車同普通3.3貨車外型差不多，但佢地個車頭有前後兩排載客或車頭及車斗前有一排共兩排載客，一般較大既街車台都有，但預約時記得同接線生講明要搵孖屋仔貨車，咁接線生就識同你安排，你可以試下呢間

參考資料:
第一客貨車電召中心 www.Van100.com 熱線 31711111

我想問下這一行是怎樣入行的?怎樣搵客?收入如何?或是甚麼同類而收入會更理想的工作?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

若果你堅持要試下既，一般都係入D大台比較好，大台台費大約1000-1200左右，入線連貼紙、電訊牌、單簿….等雜費約3000-6000。有D台台費有分貼字或掛牌，分別差200-300。先接下D散order做，再派下咭片，博佢地下次直接call返你，或者熟左有得關照你，介紹第二D客比你。但…..唔好話我潑你冷水，你唔好期望咁高，皆因呢D台大多都要入台費，又要裝對講機，加埋又話幾千，而且而家D台價真係好咸，而且call親車D客大都係打游擊，間唔時一次，你考慮清楚先。

如果你想搵D司機工作，我個人認為搵份公司司機工比較穩陣，始終自僱司機今日唔知聽日事，亳無保障，貨van鬥爛做，的士又話要埋D678折黨堆，小巴又話要成日飛踩多轉，即使比你接受倒呢D工作方式，亦唔代表收入會更理想，再者，司機呢D職業只係D低技術工種，有得選擇，不如揀第D工作好過。

希望可以幫倒你啦。
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111

觀塘去機場亞洲博覽館
費用是$230,
如果是一箱箱( 約生果箱大小計)
每4-5箱每邊上樓收費$25，
共$380

資料From Yahoo :
第一客貨車電召中心
電召客貨車及尾板貨車、機場接送、寵物接載、包鐘、派貨出入倉、搬屋搬遷、7人車等
http://www.van100.com
Tel : 317 11111

小弟有3年幾牌就4年，未做過職業司機有意入行，本想入九巴但不知點入(有1,2,4,5,9,10牌)，所以想試下做電招貨van先攞下駕駛經驗，但唔知現在行情怎樣，唔知現在有冇得做呢？所以上來請教各師兄！我上過去網睇d客貨車咩價， 1.其實買架2手貨van要注意d咩呢？ 2.要比咩費用呢？ 3.三保 係咪等於 第三者保險呢？ 4.第三者保險係跟車 定 跟人呢？ 如果我e個年齡要幾錢呢(沒有吸煙)？ 5.牌費又係點呢？ 6.幾大的車齡先唔買得過？ 7.大cc係咪食油d呢？ 8.千禧頭 是什麼？ 9.平均幾多行車里數先合理呢？ 10.邊個牌子好？
Thank you 各兄弟

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
1.注意架車有無大撞過及機器精唔精神(有無七孔流血)。
2.按不同年份計算
3.係。
4.跟車，三保唔關你食唔食煙事，幾多錢就要你去問吓相熟保險公司或車行打打價先得。
5.貨ＶＡＮ牌費一年$4,257.00、四個月$1,517.00。
6.如果豐田ＶＡＮ十年八年都無問題(你睇吓出面仲有好多94、95年車仲行緊)，萬事得、ＦＯＲＤ、日產或現代最盡買Ｄ三,五年內好喇。
7.多數係，因為要睇你揸法及本身ｏ架車精唔精神(車齡都重要)。
8.千禧頭係日本版豪華版頭燈。
9.無得計合唔合理嗰喎，因為好多人係賣車嗰時都做手腳，所以Ｄ里數唔可以盡信。
10.豐田HIACE會比較襟同大路D。

參考資料:
第一客貨車電召中心 www.Van100.com 熱線 31711111

路費$175 + 青馬大橋$40 + 紅隧$15 = $230

資料From Yahoo :
第一客貨車電召中心
機場接送
http://www.van100.com
Tel : 317 11111